Juventusi ka fituar në udhëtim te Sassuolo me rezultat 3-1 në ndeshjen e vlefshme për javën e katërt të kampionatit italian, Serie A.
Zonja e Vjetër ka fituar edhe ndeshjen e katërt në kampionat në po kaq ndeshje, duke udhëhequr së bashku me Interin me maksimumin e pikëve.
Goli i parë në këtë takim erdhi në minutën 16, ku Paulo Dybala shënoi një gol të bukur nga distanca për 1-0 pas asistimit të Mario Mandzukicit dhe me këtë rezultat përfundoi pjesa e parë.
Në pjesën e dytë, Dybala u shfaq shpejt në lojë duke ngritur epërsinë në 2-0 në minutën e 49 pasi u shërbye nga Juan Cuadrado.
Megjithatë, vendasit reaguan shpejt dhe vetëm pas dy minutash arritën të ngushtojnë epërsinë në 2-1 me golin e Matteo Politanos.
Në vazhdimin e ndeshjes Zonja e Vjetër vazhdoi me sulme dhe gjetën edhe golin e tretë me anë të Dybalas, i cili në minutën e 63 kompletoi het-trikun me një supergol nga goditja e dënimit dhe vulosi fitoren dhe rezultatin përfundimtar 3-1.
Në ndeshjen e radhës, Juventusi e pret Fiorentinën në shtëpi, ndërsa Sassuolo luan në udhëtim te Cagliari. /Telegrafi/
https://www.dailymotion.com/video/x611xak
https://www.dailymotion.com/video/x611zg0
https://www.dailymotion.com/video/x611zi9
https://www.dailymotion.com/video/x61202s