Iranianët kërcënojnë forcat amerikane në Katar
Një kanal në Telegram, i lidhur me Gardën Revolucionare të Iranit, ka kërcënuar forcat amerikane në Katar.
Kanali pretendon se ka identifikuar hotelin në Doha ku janë zhvendosur komandantët dhe oficerët e Komandës Qendrore të Shteteve të Bashkuara, pas evakuimit të bazës Al-Udeid.
“Zhvendosja e ngathët e komandantëve dhe oficerëve të Komandës Qendrore të SHBA-së nga baza Al-Udeid në Hotelin Sheraton në Doha, dhe transferimi i dhomës së operacioneve të sabotimit në këtë hotel, nuk do t'i mbrojë ata në asnjë mënyrë nga një përgjigje vendimtare dhe e fuqishme e Forcave të Armatosura të Republikës Islamike të Iranit, në rast të ndonjë agresioni kundër territorit iranian,” thuhet në deklaratën e kanalit Sepah Pasdaran.
A Telegram channel affiliated with Iran’s Revolutionary Guards has threatened US forces in Qatar, claiming it has identified the hotel in Doha where commanders and officers from United States Central Command have relocated after evacuating the Al-Udeid base.
“The clumsy… pic.twitter.com/Zf6wxXwm3J
— Iran International English (@IranIntl_En) January 17, 2026
Kanalit iu bashkëngjit edhe një fotografi dhe mbishkrim të publikuar nga një tjetër kanal i quajtur “Operations Center Media”.
Ky incident shton tensionet mes Teheranit dhe Uashingtonit, teksa marrëdhëniet tashmë të tensionuara mbeten të ndjeshme në rajon.
Ndryshe, SHBA-ja ka përkrahur protestat e qytetarëve iranianë që shpërthyen si pasojë e shkaqeve ekonomike. /Telegrafi/