Ilir Daja thotë se do të mbetet eksperiencë pozitive pjesëmarrja në Ligën e Konferencës

Trajneri i Ballkanit, Ilir Daja, ka folur në konferencë për media para ndeshjes së fundit të fazës së grupeve së Ligës së Konferencës ndaj Cluj.

Ballkani e zhvillon nesër (e enjte), duelin ndaj CFR Cluj në Rumani, nga ora 18:45.

Daja ka thënë se ndaj ekipit rumun skuadra e tij përballet me mungesa, teksa ka shpresuar që eksperienca e Ballkanit këtë vit në Evropë të lëvizë edhe koeficientet.

“Për Ballkanin është eksperienca e parë në Evropë, kjo do të mbetet një eksperiencë pozitive dhe për të lëvizur në koeficientet”.

“Çdo ekip qe merr pjesë në këto lloj intensiteti ndeshjesh, edhe ne kemi mungesat tona”.

“Kemi mungesa, por shpresojmë që lojtarët që do të paraqiten do të jenë në nivelin e këtyre lojtarëve që na mungojnë”, ka thënë Daja në konferencë për media.

Kampionët e Kosovës janë pa gjasa tanimë për kalim tutje, duke u pozicionuar me katër pikë në vendin e fundit. /Telegrafi/