Luciano Spalletti ka konfirmuar se Mauro Icardi dhe Lautaro Martinez nuk janë përfshirë në skuadrën e Interit për ndeshjen e të dielës kundër Lazios.
Prej se iu mor shiriti i kapitenit (më 13 shkurt), Icardi nuk është përfshirë në ekipin e Nerazzurrëve, ndërsa gjatë javës që lamë pas, ai ishte paraqitur në stërvitje të plota, duke lënë të kuptohet se mund të luante ndaj Biancocelestëve.
Lautaro është lënduar dhe kjo gjë i shtonte gjasat që të luante 26-vjeçari, mirëpo Mauro as që është përfshirë në skuadrën e plotë, ndërsa arsyet janë përsëri të paqarta.
"Në disa mënyra, ishte sikur të na vinte një lojtar i ri, sepse ai nuk ka qenë me ne për një kohë të gjatë. Duke marrë parasysh atë që kë ndodhur së fundmi, duke përfshirë edhe të djeshmen (e premte), mendoj se nuk është në gjendje t'u ndihmojë bashkëlojtarëve në këtë ndeshje. Prandaj nuk do të ftohet".
"Duhet të marr parasysh gjithçka, nga periudha e mëparshme e deri në ditën e djeshme. Ai është stërvitur me ne gjatë gjithë javës, diçka ndodhi dje që më duhet ta shqyrtoj. Stërvitjet janë vendimtare. Për ndeshjet e ardhshme, do të shohim", ka thënë Spalletti në konferencën për shtyp. /Telegrafi/