Ylli i Përfaqësueses së Kosovës, Ibrahim Dresevic, do të bëhet baba për herë të parë.
Këtë e ka bërë të ditur përmes një postimi të shpërndarë me ndjekësit në llogarinë e tij personale, Instagram.
Ai e ka zbuluar gjininë e foshnjës në një mënyrë të veçantë, në stadiumin Abe Lenstra në Holandë.
I njëjti shfaqet përkrah partneres për të pritur rezultatin derisa qëlloi topin disa herë derisa u shfaq gjithçka në rozë.
Me këtë ka lënë të nënkuptohet se është në pritje të një vajze, e cila do të vijë në jetë së shpejti.
“Mezi po pres të të shoh”, ka qenë përshkrimi i fotografisë.
Futbollisti me prejardhje nga Mali i Zi mori reagime të shumta në hapësirën për komente nga miqtë e ndjekësit që mban.
Dresevic nuk ka dyshim se është lojtari më i dashur te Përfaqësuesja e Kosovës, falë ndeshjeve të mira që ka zhvilluar me fanellën e Dardanëve. /Telegrafi/