Haradinaj uron Gjilanin dhe Dragashin për 21-vjetorin e çlirimit

Kryetari i Aleancës për Ardhmërinë e Kosovës, Ramush Haradinaj, ka uruar qytetarët e Gjilanit dhe të Dragashit në 21-vjetorin e çlirimit.

Haradinaj kujtoi heronjtë, dëshmorët dhe martirët e këtyre dy komunave të cilët ranë heroikisht në luftë me armikun.

Postimi i Haradinajt:

"Qytetarët e Gjilanit dhe Dragashit, njëzetenjë vite më parë, nisën kapitullin e lirisë, pas dekadave nën robëri.

Kujtojmë me respekt Heronjtë, Dëshmorët e Martirët, nderojmë kontributin e luftëtarëve të Brigadës 171 'Kadri Zeka' dhe luftëtarëve nga Dragashi të rreshtuar anekënd Zonës Operative të Pashtrikut.

Falënderues gjithnjë̈, ndaj aleatëve ndërkombëtarë, që u bënë krah i yni në kohën kur na rrezikohej mbijetesa.

Dragash e Gjilan, Urime Dita e Çlirimit!”.