Formacioni i javës në Ligën e Evropës, dominohet nga futbollistët e Man UTd dhe Baselit

Janë zhvilluar ndeshjet e para në kuadër të 1/8 së finales në Ligën e Evropës.

Gjashtë ndeshje janë zhvilluar, teksa takimet Sevilla – Roma dhe Inter – Getafe janë lënë për një datë tjetër.

Fitorja më bindëse i ka takuar Manchester United që ka shkatërruar Laskun në udhëtim 0-5, ndërsa me rezultat të thellë ka fituar edhe Baseli 0-3 te Frankfurti.

Liga e Evropës ka publikuar edhe formacionin më të mirë të kësaj jave, ku futbollistët kryesorë vijnë nga këto dy skuadra.

Manchester United ka gjashtë futbollistë në formacionin më të mirë të javës dhe ata janë: Williams, Eric Bailly, Luke Shaw, Fred, Daniel James dhe Odion Ighalo.

Ndërkohë gjiganti zviceran Basel në anën tjetër ka katër futbollistë, portierin Omlin, mbrojtësin Comert si dhe mesfushorët Campo e Bua.

I vetmi lojtar nga Bayer Leverkusen që ka zënë vend në këtë 11she është mesfushori Aranguiz. /Telegrafi/