02/10/2024
Sulmuesi anësor, Edon Zhegrova është shprehur shumë i lumtur për fitoren e Lille ndaj Real Madridit. Zhegrova u shpall më i miri i ndeshjes në fitoren e Lille me rezultat 1-0.“Ditë historike për ne. Jam shumë krenar për ekipin. Jam shumë i lumtur për fitoren. I falënderoj të gjithë tifozët për përkrahjen e madhe”, ka thënë Zhegrova në një video të postuar nga Lille.
Zhegrova ka folur derisa në dorë mbante trofeun e lojtarit më të mirë të ndeshjes.Ai fitoi penalltin që u kthye në gol nga Jonathan Davies në fundin e pjesës së parë.
