Filmat e regjisoreve kosovare, drejt Oscarit
Tri regjisore të Kosovës - Lendita Zeqiraj, Blerta Zeqiri dhe More Raça - janë kualifikuar për edicionin e 91-të të Çmimeve të Akademisë - Oscar.
Filmi i metrazhit të gjatë i Blerta Zeqirit, “Martesa”, fitoi çmimin FIPRESCI dhe çmimin special të jurisë në festivalin Tallin Black Nights në vitin 2017. Filmi i shkurtër i Lendita Zeqirajt, “Gardhi”, u kualifikua duke ngadhënjyer si filmi më i mirë i shkurtër në festivalin ndërkombëtar të filmit në Hamptons dhe si filmi më i mirë nën 15 minuta në festivalin e filmit të shkurtër në Palm Springs. “Ajo” nga More Raça është përzgjedhur si njëri ndër finalistët e Manhattan Short Film Festival. Filmi është shfaqur në mbi 350 qytete nëpër gjashtë kontinente dhe ka fituar të drejtën të garojë për Oscar.
Storia e mëposhtme përçon rrëfimin e regjisoreve kosovare.