19/04/2024
Komisioni Disiplinor dhe i Etikës i Federatës së Futbollit të Kosovës të premten ka shpallur dënimet për të përfshirët në kurdisjen e ndeshjes Ulpiana – Vllaznia Pozheran.
Pikërisht komisionet e FFK-së, ai i garave dhe disiplinori vlerësuan se kjo ndeshje e Ligës së Parë të Kosovës në futboll ishte e kurdisur.
Zyrtari i Vllaznisë së Pozheranit, Agon Pira, është dënuar me një vit ndalesë të kryerjes së funksioneve zyrtare në klub, njëjtë si Meriton Isufi, zyrtar i Ulpianës.
Futbollistët e Ulpianës, Samet Rexhepi, Ridon Llugiqi e Gentian Emini janë dënuar me një vit moslojë.
Disiplinori i FFK-së ka përjashtuar javën e kaluar nga Liga e Parë, Ulpianën e Vllazninë. /Telegrafi/