Juventusi ka njoftuar se dy futbollistët, Daniele Rugani dhe Blaise Matuidi janë shëruar nga coronavirusi.
Dyshja u testua pozitive në testin për Covid-19 muajin e kaluar, me Ruganin që bëhej lojtari i parë në Serie A që rezulton pozitiv me këtë virus.
Megjithatë, këtë pasdite, Juventusi ka lëshuar një deklaratë ku tregon se dy futbollistët e tyre tashmë janë shëruar.
“Daniele Rugani dhe Blaise Matuidi iu nënshtruan, sipas protokollit, një kontroll të dyfishtë me teste diagnostikuese për Coronavirus-Covid 19”.
“Testet u kthyen me rezultate negative. Prandaj, lojtarët janë shëruar dhe nuk janë më të nënshtruar në regjimin e izolimit në shtëpi”, thuhet në njoftim.
Paulo Dybala gjithashtu duket se ka bërë një shërim të plotë, megjithëse Bianconerët ende nuk kanë deklaruar përmes kanaleve zyrtare. /Telegrafi/