Diaspora maqedonase shprehet kundër ligjit të gjuhëve
12/01/2018
Diaspora e Bashkuar Maqedonase (DBM) reagon kundër 69 deputetëve të cilët kanë miratuar ligjin për gjuhët, që sipas tyre, gjuhën shqipe e bën zyrtare në tërë territorin e Maqedonisë, përcjell Telegrafi Maqedoni.
DBM-ja zotohet se bashkësia maqedonase jashtë Maqedonisë nuk do ta tolerojë ridefinimin e identitetit kombëtar maqedonas.
Njiherit, DBM-ja kërkon nga kryetari Gjorge Ivanov që të mos e nënshkruaj ligjin, kurse BE-së dhe SHBAve u bëjnë thirrje që ta dënojnë këtë akt në Kuvend./Telegrafi/