Derisa po fliste për rrugët e mbuluara me akull e borë, prezantuesja e motit rrëshqet dhe rrëzohet gjatë transmetimit live (Video)

Nëse rrëzoheni derisa jeni duke punuar në zyrë sigurisht se do të mbeteshit me fytyrë të skuqur, nga frika se mund t'ju ketë parë ndonjë kolegë.

Diçka e ngjashme i ka ndodhur një prezantueses së motit, e cila gjatë transmetimit live është rrëzuar në studio derisa po fliste për temperaturat e ulëta që po mbizotërojnë këto ditë, transmeton Telegrafi.

Ironia më e madhe është se derisa po fliste për borën dhe rrugët e mbuluara nga akulli, ajo në një moment rrëshqet dhe rrëzohet në tokë.

Ngjarja ka ndodhur në një televizion zviceran, vend ky që gjithashtu është prekur nga moti i ligë. Por, për fat të mirë ajo nuk ka pësuar ndonjë lëndim serioz. /Telegrafi/

<span></span>