Defekt në stacionin e pompimit, ndërpritet furnizimi me ujë në Spitalin e Mitrovicës së Veriut

KRU “Mitrovica” ka njoftuar se furnizimi me ujë të pijshëm për Spitalin në Mitrovicën e Veriut është ndërprerë për shkak të një defekti në stacionin e pompimit që furnizon këtë institucion.

Sipas njoftimit, ekipet e mirëmbajtjes së KRU “Mitrovica” janë në terren dhe po punojnë për sanimin e defektit, me qëllim që furnizimi me ujë të rikthehet sa më shpejt.

KRU “Mitrovica” ka falënderuar konsumatorët për mirëkuptimin. /Telegrafi/