04/02/2021
Ashtu siç edhe kishin paralajmëruar, producenti i njohur Cricket dhe këngëtari Yll Limani kanë publikuar bashkëpunimin e tyre më të ri.
"Ndoshta" mban titullin kjo këngë, e cila është vizualizuar edhe me një klip të veçantë, në të cilin asnjëri nga dyshja nuk janë pjesëmarrës.
Muzika është realizuar nga producenti Cricket, ndërsa tekstin e ka shkruar vet Ylli.
Masteringu i është besuar producentit të njohur nga Shqipëria, Lorenc Aliaj.
Klipi i këngës është një vizualizim i veçantë me disa protagoniste femre, por jo me prezencën e Yllit apo Cricketit në të.
Ky është bashkëpunimi i dytë i tyre pas "Autumn Leaves", i publikuar dy vjet më parë e që është pritur shumë mirë nga publiku. /Telegrafi/