04/08/2016
Në Paris Auto Show që zhvillohet në pjesën e parë të muajit tetor, pritet të prezantohet modeli Civic Type R, që është më i fuqishëm se paraardhësit e tij.
Auto Express mëson se kjo veturë nga Honda do të ketë pamje më thjeshtë, por përformansa e saj do të jetë më e madhe.
Në krahasim me modelet paraprake që kishin 306 kuajfuqi, makina e ardhshme do të ketë 340 kuajfuqi, transmeton Telegrafi.
Në këtë mënyrë, vetura 2.0-litra turbo-katërshe, shpejtësinë prej zero deri në 100 km/h do ta arrijë për pesë sekonda. Sipas pritjeve, do të tejkalohet edhe shpejtësia prej 270 kilometrave në orë, që e ka tani Civic Type R.
Sa i përket dukjes, pjesa e jashtme do të ketë linja shumë më të thjeshta. /Telegrafi/
