Chelsea janë të gatshëm të rrisin ofertën e tyre për Alisson Becker në 70 milionë euro, por portieri i Romës thuhet se dëshiron vetëm Real Madridin.
Ishin raporte të shumta dje (e shtunë) se skuadra nga Stamford Bridge kishte parë propozimin e tyre prej 60 milionë eurosh të hidhet poshtë, ashtu siç kishte parë edhe Napoli dhe Liverpooli më parë.
Tani mediumit italian Sky Sport Italia pretendon se Chelsea po përgatit një ofertë të re për portierin e njohur brazilian.
Ky medium thekson se Blutë e Londrës tani kanë gati plot 70 milionë euro, për t'i hapur rrugë edhe largimit të Thibaut Courtois drejt Madridit.
Megjithatë, problemet mbeten ende pasi Roma dëshiron 80 milionë euro dhe braziliani ka vendosur të largohet nga Olimpico vetëm nëse do të shkonte te Real Madridi.
Chelsea nuk është në Ligën e Kampionëve këtë sezon dhe do të fillojë sërish nga trajneri i ri Maurizio Sarri dhe kjo nuk po e bind edhe aq Alissonin.
Ndërkohë, burimet angleze sugjerojnë se Liverpooli ka hequr dorë nga kërkimi i Alissonit dhe do të vazhdojë t'i besojë portierit Loris Karius. /Telegrafi/