Celtics i shkakton edhe një humbje Golden Statet (Video)
Mbrëmë janë zhvilluar 11 ndeshje në ligën më të fortë të basketbollit në botë.
Befasinë më të madhe në këtë xhiro e ka bërë Boston Celtics, e cila ka arrit të triumfoi kundër nënkampionit të NBA-së.
Golden State Warriors kanë pësuar humbje me diferencë prej 13 pikëve, përkatësisht me rezultat 99:86, transmeton Telegrafi.
Fatal për Golden State ishte çereku i fundit, kur realizuan vetëm 12 pikë ndërsa pësuan 27.
Isaiah Thomas ishte lojtari më i mirë në radhët e fituesve me 25 pikë ndërsa Kelly Olynyk shtoi 17 sosh. Me lojë të mirë u shfaq edhe Avery Bradley, i cili pati 12 pikë dhe gjashtë asistime.
Megjithëse realizuan së bashku 48 pikë, Stephen Curry (23) dhe Klay Thompson (25) nuk ishte e mjaftueshme që të shmanget humbja.
Pas kësaj, Golden State ka bilanc prej 12 humbjeve dhe 52 fitoreve dhe Celtics ka 41 fitore dhe 24 humbje. /Telegrafi/
Rezultatet tjera:
Orlando 98-91 Chicago
Milwaukee 104-93 New York
Minnesota 107-91 LA Clippers
New Orleans 87-94 Toronto
Houston 108-115 Utah
San Antonio 114-104 Sacramento Kings
Denver 113-123 Washington
Miami 108-101 Charlotte
Atlanta 110-105 Brooklyn
Indiana 115-98 Detroit