Carlo Ancelotti shpallet trajneri më i mirë nga UEFA

Trajneri i Real Madridit, Carlo Ancelotti, është shpallur trajneri më i mirë i vitit nga UEFA.

Në ceremoninë e shortit të Ligës së Kampionëve janë ndarë edhe çmimet për më të mirët e futbollit evropian.

Në konkurrencë për trajnerin më të mirë ishin në garë, Carlo Ancelotti, Pep Guardiola dhe Jurgen Klopp.

Si më i miri nga UEFA u zgjodh trajneri italian, Ancelotti që fitoi Ligën e Kampionëve me Real Madridin.

Ai fitoi edhe titullin e kampionit në Spanjë, por edhe Superkupën e Evropës. /Telegrafi/