Burri zbulon një dritare të fshehtë që çon te një dhomë e tretë, dhe nuk e kishte vërejtur megjithëse jeton për katër vjet në shtëpi

Një burrë pretendon se ka zbuluar “një dhomë të tretë” të fshehtë në shtëpinë, në të cilën ai jeton për katër vjet.

Sipas medieve të huaja, përcjell Telegrafi, pronari i shtëpisë po qëndronte në kopshtin e pasmë, duke vështruar shtëpinë, kur vuri re një dritare të vogël në katin e dytë.

Njeriu, i cili e quan vetën në internet The Majeed, dhe e përshkruan vetën në një “familje me tre persona”, e kishte përshtypjen se ishin vetëm dy dhoma sipër.

“Frikën që pata kur zbulova këtë dhomë të tretë”, shkroi ai kur ndau një video në TikTok në qershor.

“Unë kam jetuar këtu për katër vjet dhe nuk e kam vërjetur kurrë këtë dhomë? Kjo dhomë e mesme! Vetëm dy dhoma këtu lart, ku është dhoma e mesme?”, thuhej në video.

Ai filmon katin e dytë të shtëpisë nga brenda, duke treguar një dhomë gjumi dhe një banjo, së bashku me dritaret që përputhen edhe nga jashtë. Por ai tregon edhe dritaren e tretë – siç shihet nga jashtë – por nuk shihet askund brenda. /Telegrafi/