Britney Spears kohë më parë ka thënë se dëshiron të martohet, dhe tashmë ka disa shenja se kjo mund të bëhet realitet.
Kjo pasi i dashuri i saj u kap nga paparacët teksa po shikonte disa unaza diamanti, shkruan TMZ.
I dashuri i Britney, Sam Asghari, doli në pazar të enjten në një dyqan në Beverly Hills. Ashtu siç shihet edhe në imazhet e kapura, Sam ishte duke bërë disa fotografi të unazave me telefonin e tij.
Ky interesim i Samit dukej interesant, pasi Britney kishte deklaruar në gjyq, në muajin qershor se e kishte martesën në mendje.
Britney Spears pohoi se një motivues i madh për të dalë nga kujdestaria ishte të ishte në gjendje të martohej dhe të kishte fëmijë, për të dyja gjërat ajo pretendoi se ajo ishte e bllokuar t’i bënte nën kontrollin e babait të saj.
Britney dhe Sam kanë folur për fejesën, por ai kurrë nuk e zyrtarizoi atë me një propozim, dhe tani duket se ai po e merr seriozisht në konsideratë. /Telegrafi/