Presidenti i Boca Juniors, Daniel Angelici, e ka konfirmuar se janë interesuar tek Interi për situatën e Mauro Icardit.
Sulmuesi nuk pëlqehet nga Antonio Conte, dhe drejtori Beppe Marotta së bashku me presidentin Steven Zhang, po punojnë për t’i gjetur një skuadër.
“E di që (Drejtori i Bocas, Nicolas) Burdisso ka folur me (Zëvendëspresidentin e Interit, Javier) Zanettin duke e pyetur për situatën Icardit”.
“Ia vlen të pyesësh, nuk kushton asgjë”, ka thënë ai.
Icardi është i lidhur me klube si Napoli, Roma, Manchester United dhe Paris Saint-Germain, por duket se zemra e tij ka vendosur për Juventusin.
Icardi nuk ka luajtur kurrë në klubet argjentinasi pasi si i ri është bashkuar me Barcelonën në akademi, në vitin 2008, ku pastaj kaloi te Sampdoria në vitin 2011.
Ai kaloi te Inter për 13 milionë euro në vitin 2013, duke shënuar 124 fola në 219 ndeshje për klubin. /Telegrafi/