Policia e Kosovës të hënën ka kryer bastisje në një lokacion të caktuar në Mitrovicën e Veriut, pas marrjes së informatave për praninë e substancave narkotike.
Lajmi është konfirmuar nga Drejtori i Policisë për Rajonin e Veriut, Veton Elshani.
Gjatë bastisjes në këtë shtëpi, policia ka sekuestruar një sasi të konsiderueshme armësh dhe pajisjesh ushtarake, përfshirë:
- 1 armë zjarri AK-47;
- 2 granata dore M-75;
- 2 radiolidhje;
- 2 antiplumba;
- Kapelë dhe dorëza;
- Çantë ushtarake;
- Karikatorë të zbrazët dhe të mbushur me fishekë të pistoletës;
- Harta;
- Rrip brezi;
- Sprej dhe thikë;
- Shall kamuflazhi;
Dy persona të dyshuar, me inicialet A.J., i lindur në vitin 1992, dhe V.J., i lindur në vitin 1978, nuk u gjetën në shtëpi gjatë bastisjes dhe janë shpallur në kërkim nga policia.
Operacioni është pjesë e përpjekjeve të vazhdueshme për të luftuar krimin e organizuar dhe armët ilegale në veri të vendit.
Hetimet mbi këtë rast janë në vazhdim./Telegrafi/
