Barcelona ka arkëtuar pikë të plota në ndeshjen e javës së 29-të në La Liga kundër Espanyolit (2-0) që u zhvillua në Camp Nou.
Në derbin lokal, Balugranët patën rastet e tyre në gjysmën e parë, mirëpo nuk arritën të shënonin. Lionel Messi, Ivan Rakitic e Luis Suarez, ishin futbollistët që e rrezikuan portën kundërhstare, por pas 45 minutash rrjetat heshtën.
Vendasit vazhduan ta kërkonin golin në pjesën e dytë, ndërsa rezultati u zhbllokua në minutën e 72-të. Leo Messi goditi nga gjuajtja e lirë që shkoi si harkim për Victor Sanchez, i cili shënoi me kokë në portën e tij.
Superylli argjentinas e shënoi edhe golin e dytë në këtë takim (89'), falë asistimit nga Malcom, i cili u inkuadrua në pjesën e dytë.
Barcelona vazhdon kryesimin në tabelë me 13 pikë më shumë se përcjellësi i parë, Atletico Madrid (që këtë xhiro luan kundër Deportivo Alaves)
Nga ana tjetër, Espanyoli është në vend të 14-të në tabelë me nëntë pikë larg zonës së rrezikut.
Në xhiron e ardhshme, Barcelona udhëton te Villarreali, kurse Espanyoli është nikoqir i Getafes. /Telegrafi/
https://www.dailymotion.com/video/x7509nr
https://www.dailymotion.com/video/x750a7s