Ylli i Real Madridit, Gareth Bale, e ka pohuar se hera e fundit që ai ka biseduar me ish-trajnerin e tij Zinedine Zidane ishte gjatë finales së Ligës së Kampionëve kundër Liverpoolit.
Uellsiani ka folur për herë të patë për marrëdhënien e tij me trajnerin francez, i cili njoftoi largimin e tij nga Los Blancos disa ditë pas ndeshjes finale.
"Ai nuk fliste me mua për [largimin e tij] - ende nuk i kam folur me të pas largimit”.
"Marrëdhënia jonë ishte e mirë, por nuk do të thosha se ishim shokë të mirë, pasi ishte vetëm një marrëdhënie normale profesionale".
29-vjeçari erdhi nga stoli në finale kundër Liverpoolit ku edhe shënoi dy herë dhe Madridi e fitoi ndeshjen.
"Nëse luani në finale, ju doni të shkoni në shtëpi me trofe, pa marrë parasysh se çfarë”.
"Unë u inatosa shumë që nuk e fillova ndeshjen, pasi unë doja të luaja dhe isha në formë shumë të mirë”
"Shënova pesë gola në katër ndeshjet e fundit të sezonit dhe u ndjeva sikur e meritova të përfshihesha që nga fillim", ka thënë Bale për FourFourtwo. /Telegrafi/