Babai i Nicolo Zaniolos zbulon se mesfushori i Romës ishte shumë afër kalimit te Juventusit, para se t'i bashkohej Interit.
Igo tregon se Zonja e Vjetër ishte në mesin e skuadrave që kishin shfaqur interesim me djalin e tij, por në fund zikaltrit kishin befasuar të gjithë.
"Jo të gjithë e dinë se Nicolo ishte një hap larg Juventusit".
"Juventusi e ka ndjekur atë që nga sezoni 2016/17, së bashku me Kolnin dhe Villarrealin, të cilët kishin prezantuar ofertat, por që ato ishin refuzuar nga Virtus Entella".
"Marrëveshja me bardhezinjtë kishte arritur pranë finalizimit, por papritmas Interit u fut në garë me një ofertë në vlerë 1.8 milionë euro, e cila më pasi shkoi 3.5 milionë me bonuse", ka zbuluar babai i lojtarit.
Vlen të theksohet se Zaniolo cilësohet si një nga lojtarët me të ardhmen më të ndritur në Itali.
Ai iu bashkua Romës në verën e 2018 nga Interi, në marrëveshjen ku Radja Nainggolan kaloi në Milano. /Telegrafi/