Ka përfunduar pjesa e parë në mes të Atalantas dhe Valencias që po zhvillohet në kuadër të fazës së 1/16 së finales në Ligën e Kampionëve.
Skuadra italiane po fiton 2-0 ndaj ‘Lakuriqëve’, për të shkuar kështu në pushimin e pjesës së parë më të qetë.
Ishte minuta e 16-të atëherë kur Hans Hateboer shënoi golin e epërsisë për Atalantan me një asistim të Alejandro Gomez.
Skuadra italiane nuk u ndal me kaq dhe arriti të shënonte edhe golin e dytë me anë të Josip ilicic (42'), që u shërbye mjaftë mirë nga Mario Pasalic.
Atalanta ishte më e mirë për nga numri i shanseve të krijuar për gol, me shtatë goditje në drejtim të portës, derisa tri përfunduan në kornizë.
Në anën tjetër, Valencia bëri katër gjuajtje në drejtim të portës, mirëpo asnjë nuk përfundoi në kuadratin e portës së vendasve.
Por, spanjollët kishin posedimin e topit me 54%, gjersa Atalanta kishte 46%, një diferencë e ngushtë mes dy skuadrave. /Telegrafi/
https://twitter.com/gifGoals_/status/1230229323866570754
https://twitter.com/TotalCristiano/status/1230231704096399361