Këngëtarja e njohur, Arta Kabashi njihet për talentin dhe vokalin që ka për muzikë.
Artistja nga Peja prej vitesh ka qëndruar pranë fansave të saj me projekte të ndryshme muzikore që çdo herë priten mirë.
Pas një pauze, këngëtarja tashmë është drejt finalizimit të një këngë të re që gjithashtu do të jetë e realizuar edhe nga ana vizuale.
Telegrafi ka siguruar një pjesë të shkurtër të këngës dhe gjithashtu pamje nga xhirimet dhe prapaskenat e videoklipit.
Në pamjet e para nga projekti i ri, Arta shihet e veshur me shumë stil ndërsa duket në formë të mirë dhe tejet atraktive.
Ndërsa, kënga mban titullin “Interes” dhe pritet të lansohet shumë shpejt.
Theksojmë që projekti i saj i fundit është “Maje” që u lansua vitin e kaluar dhe tashmë ka grumbulluar mbi 300 mijë klikime në kanalin YouTube. /Telegrafi/