Arsenali ka pësuar një tjetër humbje, derisa është mposhtur para tifozëve të vet nga Brighton 1-2.
Brighton e nisi më mirë ndeshjen duke sulmuar qysh në minutat e para me Neal Maupay, por që Leno priti gjuajtjen e tij.
Ishte minuta e 36-të e ndeshjes kur mysafirët gjetën golin e parë në këtë takim me Adam Webster.
Me epërsinë minimale të mysafirëve përfunduan 45 minutat e para të kësaj sfide.
Arsenali e nisi mirë pjesën e dytë ku vetëm pas pesë minutash barazuan me francezin Lacazette që shënoi me kokë për 1-1.
Topçinjtë shënuan në minutën e 65-të me anë të David Luiz, por që goli iu anulua për pozitë jashtë loje.
Mesfushori australian Aaron Moy dha një asistim fantastik për Maupay i cili 10 minuta para fundit shënoi për t’i dhënë fitoren e madhe Brighton 1-2.
Për Arsenalin kjo ishte ndeshja e pestë radhazi pa fitore në Ligën Premier, derisa Brighton pas tri disfatave radhazi morën tri pikë të arta.
Arsenal pas 15 ndeshjeve ndodhet në pozitën e 10-të në tabelë me 19 pikë, ndërsa Brighton tri pozita më vonë me 18 pikë. /Telegrafi/