Playboi Carti, i dashuri reperes australiane Iggy Azalea, është arrestuar pasi është kapur nën posedimin e lëndëve narkotike dhe armëve të zjarrit.
Policia i kishte gjetur 23-vjeçarit, emri i të cilit është Jordan Terrell Carter, gjësendet ilegale të enjten në veturën e tij të llojit Lamborgini.
Oficerët e qarkut Clayton, Georgia pretendojnë se ata kishin zbuluar drogë dhe armë në automjet gjatë ndalimit të trafikut.
Ndërkaq, burime të TMZ pretendojnë makina luksoze e reperit përmbante 12 qese marihuanë, xanax, osksikodon, kodeinë dhe tre armë zjarri.
Carti dhe Azalea kanë shijuar një marrëdhënie me ndërprerje, ku njëherë u ndanë e më pas u bashkuan sërish.
Në dhjetor të vitit të kaluar, Iggy kishte shkruar në rrjetin e saj social Instagram se ishte beqare, ndërsa paparacit e kishin fotografuar në janar të këtij viti së bashku me reperin duke udhëtuar nga Sydney për në Los Angeles. /Telegrafi/