Një aksident i rëndë trafiku ka ndodhur rreth orës 17:00 në fshatin Mramor të Prishtinës, si pasojë kanë humbur jetën dy persona.
Pjesë e aksidentit mësohet se është edhe Ambasadorja e Turqisë në Kosovë, Kivilcim Kiliç.
Kiliç ka pësuar lëndime trupore dhe është duke marrë ndihmë mjekësore në QKUK.
Lajmin për Telegrafin e ka konfirmuar zëdhënësja e policisë, Flora Ahmeti.
“Rreth orës 17:00 në magjistralen Prishtine – Gjilan, saktësisht në fshatin Mramor, ka ndodhur një aksident trafiku ku janë përfshirë tri automjete. Si pasojë e aksidentit lëndime trupore kane pësuar 6 persona, dy prej të cilëve në vendin e ngjarjes kanë ndërruar jetë”, ka thënë Ahmeti.
Ajo ka thënë se Kiliç është njëra nga personat e lënduar dhe është duke marrë ndihmë mjekësore.