Aksident në Fushë Kosovë, lëndohet një person
30/01/2019
Një person ka pësuar lëndime trupore, pasi është goditur nga një veturë.
Ngjarja ka ndodhur të martën rreth orës 23:11 në fshatin Bresje, Fushë Kosovë.
Sipas raportit të policisë, aksidenti dyshohet se ka ndodhur kur këmbësori ishte duke e kaluar rrugën në vendin ku shiritat rrugor janë të ndarë fizikisht me barriera metalike.
Siç thuhet, viktima është dërguar për tretman mjekësor dhe sipas mjekëve ka lëndime të rënda. /Telegrafi/