Agjenti i Gareth Bale, Jonathan Barnett ka thënë se asgjë nuk është e pamundur kur u pyet nëse sulmuesi i Real Madridit mund të bashkohet me Juventusin në të ardhmen.
Uellsiani pritej të ishte njëri nga liderët e ekipit në Santiago Bernabeu pas largimit të Cristiano Ronaldos.
Por, ai mund të ndjekë portugezin në Torino një ditë ka thënë agjenti i Bale.
"Gareth është shumë i lumtur në Real Madrid, por nëse po flasim për të ardhmen atëherë asgjë nuk është e pamundur në tregun e transferimeve", ka thënë fillimisht Barnett për Tuttosport.
"Ronaldo ishte një humbje e rëndësishme për Real Madridin".
"Gareth pëlqente të luante me Cristianon, por ai është i lumtur sepse është në një klub të madh".
"Është e vërtetë që nga transferimi i CR7, superyjet e huaj kanë filluar të marrin në konsideratë Serie A dhe të fillojnë ta shohin atë në një mënyrë të ndryshme krahasuar me vitet e fundit", përfundoi agjenti i Bale.
Ndryshe, Bale pëlqehet shumë nga skuadrat angleze, Chelsea dhe Manchester City. /Telegrafi/