Adam Sandler u kritikua nga fansat për veshjen e tij sportive gjatë pjesëmarrjes në premierën e filmit të bashkëshortes së tij në Los Angeles të martën.
Aktori 59-vjeçar shoqëroi gruan e tij, Jackie, 51 vjeçe, në premierën botërore me yje të filmit të ri të Netflix-it Office Romance, i cili pritet të publikohet më 5 qershor. Në këtë film ajo luan përkrah Jennifer Lopez.
Megjithëse bashkëshortja e tij u shfaq e veshur në mënyrë elegante me një fustan të shkurtër të zi me shkëlqim dhe taka, Sandler zgjodhi stilin e tij karakteristik të lirshëm.
Ylli i Uncut Gems dhe bashkëshortja e tij dukeshin sikur po merrnin pjesë në dy evente krejt të ndryshme, pasi Sandler kishte veshur një bluzë me kapuç ngjyrë portokalli të ekipit New York Knicks dhe pantallona sportive blu. Kjo veshje bëri që disa fansa të ankoheshin se ai “nuk ishte munduar fare të ndërrohej nga rrobat sportive”.
Ai e kompletoi pamjen me atlete jeshile me lidhëse ngjyrë vjollcë.
“Pra, ai vërtet nuk mund të vishte një këmishë dhe pantallona klasike? E çuditshme”, shkroi një fans, ndërsa një tjetër e quajti paraqitjen “të turpshme”.
“E kuptoj kur është në promovime të projekteve të tij, por për punën e gruas së tij mendon se mund të vishte të paktën një këmishë polo dhe pantallona të thjeshta,” komentoi dikush tjetër.
“Po përpiqet shumë të duket sikur nuk i intereson, por në fakt po jep krejt të kundërtën,” shtoi një fans tjetër.