Amorim dëshiron ta mbajë yllin e Man Utd në skuadër, por pranon se ai mund të largohet

Ruben Amorim ka dhënë mendimin e tij të sinqertë për të ardhmen e njërit prej lojtarëve të Mancheser United pas barazimit ndaj Liverpoolit. 

Ishte një ndeshje dramatike ajo e së dielës, ku golat e pjesës së dytë nga Lisandro Martinez dhe Amad Diallo i fituan një pikë ‘Djajve të Kuq’ në udhëtim. 

Një prej momenteve të kësaj ndeshje ishte inkuadrimi në lojë i Joshua Zirkzees, vetëm pak ditë pasi ai u fishkëllye nga tifozët e tij pasi u zëvendësua në mes të lojës ndaj Newcastle. 

Në ndeshjen ndaj Liverpoolit ai i dhuroi një pasim të bukur Harry Maguire me këtë të fundit që dështoi të shënojë golin e fitores në çastet e fundit të ndeshjes. 

Duke folur pas përfundimit të takimit, trajneri i Unitedit, Ruben Amorim u pyet nëse Zirkzee kishte marrë vendimin e duhur apo jo për të pasuar tek Maguire. 

“Për mua, mendoj se ishte vendimi perfekt, sepse ai mund të godasë, por ai e vendosi topin në qendër për një lojtar që po vraponte nga mbrapa. Topi mendoj ishte shumë i ngadaltë për Harry që të shënonte, por ndonjëherë nuk mund ta bësh”. 

Amorim gjithashtu u pyet edhe për të ardhmen e holandezit, pasi më herët gjatë kësaj jave një raportim nga Tuttosport bëri me dije se Zirkzee është më i hapur se kurrë ndaj mundësisë për të kaluar në huazim tek Juventusi në janar. 

“Dua ta mbajë Josh sepse ai jep gjithçka dhe ai po përpiqet në stërvitje, por ne nuk e dimë”. 

“Afati kalimtar është i  hapur dhe ne do të shohim se çfarë do të ndodhë. Ne vetëm duhet të fokusohemi në stërvitje”, përfundoi ai./Telegrafi/