Ambasadorja e Vullnetit të Mirë për Kosovën në International Human Rights Commission (IHRC), Elvana Shala, do të mbajë më 9 dhjetor një diskutim të nivelit të lartë diplomatik, i shoqëruar me darkën e bamirësisë “Urat e Shpresës”, në Swiss Diamond Hotel Prishtina, duke nisur nga ora 17:00.
Ngjarja ka në fokus temën “Diplomacia për të Drejtat e Njeriut”, me theks të veçantë tek kategoritë e margjinalizuara, përfshirë gratë e dhunuara në familje, viktimat e dhunës seksuale gjatë luftës në Kosovë, të rinjtë, personat me aftësi të kufizuara, komunitetet jo shumicë, personat LGBTI+ dhe refugjatët.
Gjatë diskutimit pritet të analizohet se çfarë ka bërë diplomacia globale dhe ajo e Kosovës në avancimin dhe mbrojtjen e të drejtave të këtyre grupeve, si dhe sfidat që mbeten ende.
Në këtë forum diplomatik do të marrin pjesë pesë ekspertë ndërkombëtarë nga shtetet e Quint-it, të cilët do të ndajnë praktikat më të mira, përvojat e tyre dhe ndryshimet që kanë sjellë në vendet përkatëse.
Përfaqësuesit ndërkombëtarë do të kenë mundësi të zhvillojnë edhe takime me organizatat e të drejtave të njeriut në Kosovë për potenciale bashkëpunimi.
Në panelin mbi perspektivën e Kosovës pritet të diskutojnë përfaqësues të pesë partive kryesore politike: Vetëvendosje, LDK, PDK, AAK dhe Guxo, duke sjellë qëndrimet e tyre mbi rolin e institucioneve në avancimin e të drejtave të njeriut.
Pas debatit do të mbahet darka e bamirësisë “Urat e Shpresës”, ku do të ekspozohen punime artistike të të mbijetuara të dhunës seksuale gjatë luftës, krijime nga persona me aftësi të kufizuara dhe anëtarë të komuniteteve jo shumicë.
Të pranishmit do të kenë mundësi t’i blejnë punimet, me të ardhurat që do të shkojnë në mbështetje direkte të këtyre kategorive.
Ngjarja synon të krijojë një platformë të qëndrueshme diplomatike për dialog, të forcojë rolin e diplomacisë publike në mbrojtjen e të drejtave të njeriut dhe të vendosë në qendër zërat e grupeve të margjinalizuara, duke i bërë pjesë aktive të vendimmarrjes dhe politikë-bërjes.
AGJENDA
17:00 – 17:30 Arritja e mysafirëve
17:30 – 17:35 Fjalimi i mireseardhjes: Sh.S Elvana Shala - Ambasadore e Vullnetit të Mirë për Kosovën
17:35- 17:40 – Fjalimi kryesor nga: Përparim Rama – Kryetar I Komunës së Prishtinës
17:40 – 18:05 – Sesion special me 5 përfaqësuesit ndërkombëtar të QUINT për të folur për temat specifike:
SHBA - Senator Tom Harkin - “Diplomacia dhe personat me aftësi të kufizuara”
Franca – Olivier Guerot - “Diplomacia dhe Franca për grupet e margjinalizuara”
Italia – Maurizzio Antonini - “Diplomacia dhe fëmijët e prekur nga konflikti”
Gjermania – Dr. Payam Ghalehdar - “Diplomacia për grupet e margjinalizuara në Gjermani”
Mbreteria e Bashkuar – Michael Davenport “Diplomacia dhe viktimat e dhunës seksuale gjatë luftës në Kosovë
18:05 - 18:25 – Përspektiva e Kosovës mbi përdorimin e diplomacisë për të drejtat e njeriut
VV - Z. Albin Kurti
PDK – Znj. Vlora Citaku
LDK – Znj. Sibel Halimi
AAK - Z. Ramush Haradinaj
GUXO - Z. Donika Gervalla Schwartz (tbc)
18:25 – 18:50 – Përspektiva e organizatave ndërkombëtare mbi përdorimin e diplomacisë për të drejtat e njeriut
Znj. Shanley Clemot McLaren – Experte globale për të drejtat dixhitale në Francë
Znj. Visare Mujko Nimani – Drejtoreshë e agjencisë së OKB-së UNFPA në Kosovë
Z. Gerard McGurk – Shef I Misionit të OSBE-së në Kosovë
Znj. Mary Ann Hennessey – Shefe e Zyrës së Këshillit të Evropës në Prishtinë
18:50 – 19:20 – Përspektiva e Organizatave të Shoqërisë Civile mbi përdorimin e diplomacies për të drejtat e njeriut në Kosovë
Meqenëse dëshirojmë të bëjmë një diskutim gjithëpërfshirës dhe t´u japim disa minuta të gjithë atyre që duan të ndajnë mendimet dhe përspektivën e tyre gjatë kohës së rezervuar, ky sesion do të jetë I hapur për të gjithë ata që janë të pranishëm dhe ne tashmë I kemi informuar OSHC-të paraprakisht.
19:20 – 19:30 – Rekomandimet përfundimtare
19:30 – 20:30 – Darka e bamirësisë
Informacion me rëndësi: Gjatë darkës së bamirësisë, do të ekspozohen produktet artizanale të organizatave të shoqërisë civile që punojnë me kategoritë e margjinalizuara dhe ne inkurajojmë të gjithë mysafiret t´blejnë ato dhe të kontribojnë në fuqizimin ekonomik të tyre!
