Ambasadori gjerman reagon pasi Serbia e dënoi me burg zyrtarin komunal nga Leposaviqi

Ambasadori i Gjermanisë në Kosovë, Jorn Rohde, ka reaguar lidhur me rastin e Drejtorit të Administratës në Komunën e Leposaviqit, i cili është arrestuar ditë më parë në territorin e Serbisë.

Në reagimin e tij Rohde ka thënë se nuk është hera e parë në muajt e fundit që arrestimet në pikën kufitare ngrenë dyshime për ndërhyrje politike.

Lexo po ashtu Serbia e dënon me dhjetë ditë burgim zyrtarin komunal nga Leposaviqi

“Duke ndjekur nga afër raportet shqetësuese për ndalimin e shefit të administratës së Leposaviqit në Serbi. Nuk është hera e parë në muajt e fundit që arrestimet në pikën kufitare ngre dyshime për ndërhyrje politike. Pritet që ankesa zyrtare të shqyrtohet shpejt”, ka shkruar ambasadori gjerman në Twitter.

Closely following concerning reports about the detention of the head of the Leposavic administration in Serbia. Not the first time in recent months that detention at border crossing raises suspicions of political harassment. Expect that the official appeal is considered swiftly.

— Ambassador Jörn Rohde (@GermanAmbKOS) September 13, 2023

Drejtori i Administratës në Komunën e Leposaviqit në veri të Kosovës, Nikolla Radomiroviq, është dënuar me dhjetë ditë burgim në Serbi për “posedim të armës së ftohtë”.

“Aktgjykimi nuk është juridikisht i detyrueshëm, sepse kundër këtij aktgjykimi kanë parashtruar ankesë i pandehuri dhe parashtruesi i kërkesës, andaj procedura ankimore është në vazhdim e sipër”, ka thënë Gjykata për Kundërvajtje nga Rashka./Telegrafi/