Ambasadori gjerman në Kosovë shkruan për rastin e Ilija Ivicit: Kjo është tronditëse!

Christian Heldt, ambasadori gjerman në Kosovë ka reaguar pas rastit të Ilja Ivicit.

Ilja Ivic, djaloshi që luan te Flamurtari dhe që ka marrë ftesë nga Kombëtarja U-19 e Kosovës është emri më i përfolur këto ditë.

Flitet se njëri nga prindërit e futbollistit të Flamurtarit u larguan nga puna në Komunën e Graçanicës pasi djali tyre kishte pranuar ftesën që të luante për Kombëtaren U-19 të Kosovës.

Ky lajm ka tronditur edhe ambasadorin Heldt, i cili ka bërë këtë reagim në Twitter.

Lexo po ashtu Rrëfimi për djaloshin Ilija Iviç nga Graçanica, që ka vendosur të luajë për Kosovën dhe tash e tri vjet mbron ngjyrat e Flamurtarit

“Kjo është tronditëse! Futbolli është respekt, futbolli po kalon kufijtë, futbolli është integrim, futbolli thjesht është për të shijuar ndjenjën e të qenit së bashku”.

This is shocking! ⚽ is sharing, ⚽ is respect, ⚽ is crossing boundaries, ⚽ is integration, ⚽ is simply enjoying being together. That is also the spirit in which ?? with @DFB supports @FFK_KS. Sports ideals apparently not shared by some people. #nosegregation #footballunites https://t.co/KlGxWNcj7B

— Ambassador Christian Heldt (@GermanAmbKOS) February 22, 2020

“Kjo është arsyeja pse Federata e Futbollit të Gjermanisë e mbështet Federatën e Futbollit të Kosovës. Idealet sportive siç duket nuk po ndahen nga disa njerëz,” shkruan Heldt në Twitter. /Telegrafi/