Amazon Alexa është në telashe të mëdha

Raportet e brendshme dhe pushimet e fundit nga puna tregojnë se Amazon nuk ka më besim në planet e saj harduerike.

Amazon u detyrua të pushonte nga puna një pjesë të madhe të punonjësve të saj këtë vit. Një nga divizionet që mori goditjen më të madhe në këtë fushë është ekipi Alexa i kompanisë, i cili është përgjegjës për krijimin e disa prej ekraneve më të mirë Echo.

Tani po bëhet gjithnjë e më e qartë se pse ndodhi kjo situatë, pasi divizioni “Worldwide Digital” i Amazon duket se po pëson humbje të mëdha dhe kjo përfshin pajisjet Echo dhe Prime Video, ndërsa e ardhmja e divizionit Alexa është e pasigurt.

Burime të njohura me situatën theksojnë se humbja operative e divizionit Alexa gjatë tremujorit të parë të 2022 arriti në rreth tre miliardë dollarë. Kjo është humbja më e madhe për çdo divizion brenda Amazon.

Duke parë këto rezultate, mund të arrihet në përfundimin se plani i zakonshëm i Amazon, i cili përfshin subvencionimin e shitjes së harduerit, përmes shitjes së shërbimeve dhe produkteve të tjera të ofruara me harduer, nuk po funksionon aq mirë sa mendohej.

Theksohet se Alexa përfaqëson një dështim të madh të imagjinatës, si dhe një mundësi të humbur. Burimet thonë se nuk ka një drejtim të qartë se ku mund të shkohet me harduerin në kompani.

Pavarësisht numrit të madh të pushimeve nga puna dhe problemeve të reja, Amazon thekson se mbetet e përkushtuar në zhvillimin e pajisjeve Echo dhe Alexa dhe do të vazhdojë të investojë në to. /Telegrafi/