Alpet Shqiptare në krye të listës së destinacioneve më interesante për t’u vizituar në vitin 2024, sipas National Geographic

Duke qenë se viti 2024 është afër, revistat e udhëtimit po nxjerrin në pah rekomandimet për udhëtimet në vitin e ardhshëm, kështu që National Geographic së fundmi publikoi një listë të destinacioneve ‘më të lezetshme’ për vitin 2024.

Lista përfshin 30 destinacione në të gjithë botën, duke nisur nga Alpet Shqiptare e deri te pyjet e Andrefanës në Madagaskar. Evropa dominon pothuajse gjysmën e listës me 13 destinacione, duke përfshirë kryeqytetin e Maltës, Valetta dhe Pompein në Itali.

Në vendin e parë të “The Cool List 2024” ndodhen Alpet Shqiptare – masivi malor nga veriu i Shqipërisë në jug të Kosovës dhe në verilindje të Malit të Zi.

Lexo po ashtu BBC Travel e nis vitin me Alpet Shqiptare: Vendi i fundit i pashkelur i Evropës

“Kjo mbretëri e majave të thepisura karstike është një ëndërr për alpinistët, ku rrëqebullët enden nëpër pyjet e bredhit dhe lulet e egra mbulojnë bazën e luginës. Ata që kërkojnë të trajtojnë shtigjet sfiduese të rajonit mund të nisen në një turne të ri, tetë-ditor, të vetë-drejtuar me Walks Worldwide, i cili ofron një itinerar që përfshin udhëtime nëpër kalimet malore, shtëpi tradicionale dhe një vizitë në fshatin Theth, duke filluar nga pika e shtegut për ecje në Majat e Ballkanit”, shkruan mes tjerash në artikull.

Në vendin e dytë në listë është Belfasti, ndërsa thuhet se ky qytet në Irlandën e Veriut përjetoi një rritje të numrit të vizitorëve gjatë viteve 2010, pjesërisht i tërhequr nga muzeu i ri, “Titanic Experience”.

Në vendin e tretë është Emilia-Romagna në Itali, e ndjekur nga Galloway dhe Southern Ayrshire në Skoci, Nordland në Norvegji, si dhe North Yorkshire në Angli.

Lexo po ashtu Thethi “pushtohet” nga turistët, vizitorë nga bota vërshojnë në alpet shqiptare

Gadishulli Jukatan i Meksikës është një tjetër destinacion i theksuar si një nga më emocionuesit për të udhëtuar vitin e ardhshëm dhe nuk është për t’u habitur, duke qenë se Merida, qyteti më i madh i vendit, gjithashtu u rendit në listën e destinacioneve në trend.

Destinacionet tjera përfshijnë Sikkim në Indi, i cili krenohet me pamje mahnitëse të Himalajeve dhe Victoria në Australi, falë një udhëtimi të ri që viziton burimet e nxehta termale të zonës.

Destinacionet më interesante në botë për vitin 2024 sipas National Geographic:

EVROPA

Alpet Shqiptare

Belfast, Irlanda e Veriut

Emilia-Romagna, Itali

Evropa me tren

Galloway dhe Southern Ayrshire, Skoci

Nordland, Norvegji

North Yorkshire, Angli

Pompei, Itali

Saimaa, Finlandë

Tartu, Estoni

Kampionati Evropian, Gjermani 

Valletta, Maltë

Uellsi

Wild Atlantic Way, Irlandë

AMERIKA

Shkretëtira Atacema, Kili

Lima, Peru

Shteti i New Yorkut, SHBA

Miami, SHBA

Teksas, SHBA

Dominika

Nova Scotia, Kanada

Gadishulli Jukatan, Meksikë

Ibera Wetands, Argjentinë

AFRIKA

Akagera, Ruanda

Pyjet e Thata Andrefana, Madagaskar

Sierra Leone

AZIA

Sikkim, Indi

Tainan, Tajvan

Xi-an, Kinë

PAQËSORI JUGOR

Victoria, Australi

/Telegrafi/