Allegri paralajmëron ndryshime taktike, formacionet e mundshme Barca-Juve

Massimiliano Allegri dëshiron që Juventusi të mos mendojë për fitoren prej 3-0 ndaj Barcelonës, kur ta zhvillojë ndeshjen kthyese çerekfinale të Ligës së Kampionëve.

Bianconerët fituan me rezultat 3-0 në Torino dhe të mërkurën mbrëma luajnë në Camp Nou sfidën vendimtare ku do të përcaktohet gjysmëfinalisti.

“Për Juventusin do të jetë ndeshje e përsosur atëherë kur do të kualifikohemi… Do të ketë momente kur do të sulmojmë dhe momente kur do të mbrohemi”.

Lexo po ashtu Allegri: Evropa tash e respekton Juven

“Nuk mendoj se karakteristikat e Barcelonës kanë ndryshuar. Ne duhet të kemi vetëbesim dhe të besojmë në aftësitë tona”.

“Ne kemi respekt të madh për Barcelonën, por ndeshjet e këtilla kërkojnë pak mendim dhe shumë veprim. Duhet të mbrohemi mirë dhe të sulmojmë mirë, si në çdo ndeshje. Ndoshta në aspektin taktit dhe kur është fjala për qasjen ndaj lojës, mund të ndryshoj diçka”.

Më poshtë janë formacionet e mundshme të dy skuadrave:

Formacioni i mundshëm i Barcelonës: Ter Stegen; Sergi Roberto, Pique, Umtiti, Jordi Alba; Rakitic, Busquets, Iniesta; Messi, Suarez, Neymar

Formacioni i mundshëm i Juventusit: Buffon; Dani Alves, Bonucci, Chiellini, Alex Sandro; Pjanic, Khedira; Cuadrado, Dybala, Mandzukic; Higuain.

/Telegrafi/