Allegri konfirmon gjashtë mungesa të mëdha ndaj Napolit

Trajneri i Juventusit, Massimiliano Allegri konfirmon se lojtarët nga Amerika e Jugut, përfshirë Paulo Dybalan, nuk do të jenë në dispozicion për ndeshjen kundër Napolit dhe e njëjta gjë vlen edhe për italianin Federico Chiesa.

Gjigantët e Serie A takohen me Napolin nesër (e shtunë) në Stadio Diego Maradona nga ora 18:00.

Sidoqoftë, Juve ka vetëm 17 lojtarë në dispozicion pasi futbollistët e tyre të Amerikës së Jugut në detyrë ndërkombëtare nuk do të kthehen në kohë për lojën ose nuk do të kenë kohë të mjaftueshme për t’u rikuperuar pas udhëtimit të tyre.

Lexo po ashtu Juventusi mund të ketë pesë mungesa përballë Napolit

“Ndeshja e nesërme do të jetë e bukur kundër një skuadre të fortë. Ata fituan dy ndeshjet e para, ne jo”, ka thënë fillimisht Allegri në një konferencë shtypi.

“Unë vendosa t’i lë amerikano-jugorët në shtëpi sepse ata do të kthehen shumë vonë. Cuadrado ishte i vetmi që mund të ishte bashkuar me ekipin, por ai vuajti nga gripi. Ai as nuk është kthyer në Itali. Ai është ende në Kolumbi për t’iu nënshtruar disa ekzaminimeve mjekësore”.

Kjo do të thotë që Paulo Dybala, Danilo, Alex Sandro, Rodrigo Bentancur dhe Juan Cuadrado do të humbasin lojën.

🗞 The boss talks #NapoliJuve 👇

— JuventusFC 🇬🇧🇺🇸 (@juventusfcen) September 10, 2021

Chiesa gjithashtu do të humbasë ndeshjen pasi po vuan nga një problem muskulor që pësoi gjatë detyrës ndërkombëtare me Italinë.

“Chiesa kishte një problem muskulor, testet nuk treguan asnjë dëmtim, por unë preferoj ta pushoj atë me kujdes”.

“Djali është pak i shqetësuar, kur keni një problem muskulor, mund të ketë diçka prapa”, përfundoi trajneri i Juventusit. /Telegrafi/