Allegri: Cancelo rikthehet për ndeshjen e Superkupës së Italisë

Joao Cancelo do të bëjë rikthimin e tij në Superkupën e Italisë e cila zhvillohet në javën e ardhshme kundër Milanit.

Cancelo nuk ka luajtur qëkur Juventusi fitoi 1-0 kundër Interit më 7 dhjetor të vitit të kaluar.

Ai iu nënshtrua një operacioni për të riparuar një krisje të meniskut në gjurin e tij të këmbës së djathtë.

Operacioni u krye me sukses dhe portugezi kaloi periudhën festive duke u rikuperuar.

Cancelo Allegri Juventus Bayern lapresse 2018 thumb

Megjithatë, Cancelo do të bëjë rikthimin e tij në Superkupën e Italisë e cila zhvillohet në javën e ardhshme kundër Milanit.

Lajmi për rikthimin e mbrojtësit portugez është konfirmuar nga trajneri i Juventusit, Massimiliano Allegri.

"Në të djathtë, De Sciglio do të luajë", ka thënë fillimisht Allegri në konferecën për shtyp para ndeshjes së kësaj jave me Bolognan.

"Cancelo? Ai do të kthehet për ndeshjen e Superkupës", përfundoi trajneri italian. /Telegrafi/

— (@)

Telegrafi Real Estate në Email