Allegri alternativë e Pochettinos te Unitedi

Massimiliano Allegri është në planet e Manchester Unitedit për të zënë vendin e Ole Gunnar Solskjaer – bën të ditur The Express.

Trajneri norvegjez është nën presion të shkarkimit, duke qenë se nuk po i plotëson pritshmëritë te Djajtë e Kuq.

Kjo ka bërë që mediat sportive të spekulojnë për emra të ndryshëm, të cilët mund ta zënë vendin e tij në Old Trafford.

(Foto: Tullio M. Puglia/Getty Images/Guliver)

Ish-trajneri i Tottenham Hotspur, Mauricio Pochettino, është përmendur si i pari në listë në rast se Solskjaer shkarkohet nga Unitedi.

Ndërsa Allegri është identifikuar si alternativë. Strategu italian është pa punë prej se u largua nga Juventusi në verën e vitit 2019. /Telegrafi/