Alec Baldwin thotë se ka humbur punë të shumta në aktrim pas të shtënave fatale në “Rust”, ku mbeti e vrarë kinematografja Halyna Hutchins

Kanë kaluar gati dhjetë muaj nga të shtënat fatale në xhirimet e “Rust”, në të cilin Alec Baldwin qëlloi aksidentalisht me armë të mbushur kinematografen Halyna Hutchins.

Aktori vazhdon ta mohojë dhe ta ketë versionin e tij se ai nuk e ka tërhequr këmbëzën ndërkohë që mbante armën gjatë xhirimeve.

Dhe tani, nga kjo histori rrodhën edhe shumë detaje të tjera, gjersa Alec pati një intervistë me CNN ku ka folur për frikën për jetën e tij pasi ish-presidenti Donald Trump tha se e kishte vrarë Hutchins me qëllim dhe se kishte humbur shumë punë pas incidentit famëkeq.

BREAKING: According to an FBI analysis, Alec Baldwin pulled the trigger of the gun that killed cinematographer Halyna Hutchins and wounded director Joel Souza on the New Mexico set of the movie Rust on October 21, 2021. pic.twitter.com/4fcomcMoh5

— BNN United States (@BNNUS) August 13, 2022

Sikur përvoja traumatike e të qenit ai që mban armën të mos mjaftonte, Alec i tha CNN se ai ishte hequr nga pesë punë pas incidentit, madje e pranoi se ishte pushuar nga puna e fundit vetëm një ditë më parë.

“Isha gati të shkoja në një film, kam muaj që flisja me disa për këtë por më thanë që nuk mund ta bëja për shkak të këtij aksidenti”, u shpreh ai.

Lexo po ashtu Edhe pse nuk e pranoi, detajet e reja thonë që Alec Baldwin e ka tërhequr këmbëzën e armës që vrau kinematografen Halyna Hutchins

Dhe edhe pse reputacioni i tij po njolloset dhe pafajësia e tij po vihet në dyshim nga disa, 64-vjeçari nuk ndihet sikur është viktimë e situatës.

“Unë nuk jam viktima këtu. Gjërat, për mua do të përmirësohen. Gjërat për mua do të sqarohen. Unë jam 1000 për qind i sigurt për këtë”, shtoi ai.

Muajt e fundit të artistit që nga xhirimet aksidentale në një shesh filmi nuk kanë qenë të mirë dhe madje thotë se i kanë hequr vite nga jeta e tij.

Ai i tha CNN se me shumë njerëz që e sulmonin pa ditur faktet, mbështetja e familjes së tij ishte thelbësore që të vazhdonte dhe falënderoi veçanërisht gruan e tij Hilaria.

“Nëse nuk do ta kisha gruan time, nuk e di se ku do të isha tani… Nëse nuk do ta kisha, me siguri do të kisha dhënë dorëheqjen, do të isha në pension, do të largohesha”.

Baldëin tha gjithashtu se nëse dhe kurdo që kthehet në një film apo televizor, ai nuk do të punojë më me armë të vërteta, pasi teknologjia ka avancuar mjaftueshëm që të krijojnë armë dhe efekte realiste në ekran. /Telegrafi/