Aktori Jonathan Majors mohon akuzat se ka qenë abuziv në dy marrëdhënie të mëparshme

Jonathan Majors është akuzuar se ka qenë abuziv ndaj dy ish-partnereve, të cilat ai i mohon kategorikisht.

Aktori i “Creed III”, 33 vjeç, u arrestua në mars dhe u akuzua për sulm dhe ngacmim pas një grindjeje të dyshuar me një grua në Manhattan, New York.

Majors i ka mohuar me forcë të gjitha akuzat dhe që atëherë thuhet se ka paraqitur një ankesë për dhunë në familje kundër gruas, emri i së cilës nuk bëhet i ditur.

Ndërsa ai pret gjyqin në gusht, revista Rolling Stone ka pretenduar se Majors kishte abuzuar fizikisht një grua, me një burim që pretendon se ajo ka vuajtur “një abuzim me të vërtetë ekstrem, fizikisht dhe mendërisht”.

Lexo po ashtu Të gjitha lajmet nga Jonathan Majors

Gazeta gjithashtu pretendoi se ylli i filmit ishte abuziv me një grua tjetër, me një burim që pretendonte se ajo u tha miqve se kishte vuajtur “torturë emocionale”.

Avokati i Majors, Dustin A. Pusch, ka mohuar me forcë pretendimet e bëra kundër klientit të tij.

“Jonathan Majors mohon me forcë pretendimet e rreme të Rolling Stone se ai abuzoi fizikisht, verbalisht ose emocionalisht këdo, e lëre më ndonjë nga partneret e tij”, tha ai.

“Këto akuza bazohen tërësisht në thashetheme, sepse asnjë prej partnereve nuk kishte folur për Rolling Stone – duke demonstruar falsitetin e tyre të plotë”.

Ish-e dashura e Majors, Haley Carter – e cila ishte në lidhje me aktorin për disa vite – e ka mbrojtur atë.

“Pas 20 vitesh që e kam njohur, mund t’ju them se kush është Jonathan. Ai nuk i bën këto gjëra”. /Telegrafi/