Agjenti i Brozovic: Po bisedojmë me skuadrat angleze

Agjenti i Marcelo Brozovicit ka konfirmuar se janë në kontakt me disa klube angleze që janë në ndjekje të mesfushorit të Inter, ku raportohet të jetë Manchester United, Arsenal dhe Chelsea.

Raportet dolën sot se Jose Mourinho ishte në Zagreb në mënyrë që të shoh nga afër për dhe të flas sy më sy me reprezentuesin kroat, Ivan Perisic për një transferim të tij te Unitedi.

Lexo po ashtu Mourinho në Kroaci për të transferuar Perisicin

Megjithatë, është e mundur që trajneri portugez të ketë edhe një tjetër objektiv, dhe ai mund të jetë shoku i skuadrës dhe kombëtares, Brozovic.

“Ne nuk mund të japim emra, por ka disa klube angleze që ndjekin Marcelon”, ka thënë agjenti Miroslav Bicanic për faqe kroate Index.

“Jemi në kontakt me ta. Brozovic do të jetë pronë e nxehtë në tregun e transferimeve për shumë klube verën e ardhshme”, përcjell Telegrafi.

Lexo po ashtu Agjenti: Brozovic largohet nëse paguhet klauzola e lirimit

“Ai është shëruar plotësisht nga një dëmtim në këmbën e tij dhe është i gatshëm, edhe pse ka pasur disa probleme me dhëmbëza. Tani ai është gati”, përfundoi agjenti i mesfushorit kroat.

Brozovic ishte lënë jashtë skuadrës nga Frank de Boer për shkak të problemeve disiplinore, por u mirëprit përsëri nga Stefano Pioli, por nuk është një titullar i rregullt që prej mbërritjes së Roberto Gagliardinit nga Atalanta.

24-vjeçari është nën kontratë me gjigantët nga San Siro deri në qershor 2021 dhe u këput nga Dinamo Zagreb për vetëm tetë milionë euro, ndërsa klauzola e tij tani vlen plot 50 milionë. /Telegrafi/