Unifikimi i sistemit të mbledhjes së të hyrave për buxhetin e Kosovës, do të sjell rezultate efektive në luftën kundër korrupsionit, evazionit fiskal dhe ekonomisë së zezë, vlerësojnë ekspertët dhe ish përfaqësues të Doganave të Kosovës.
Autoritetet e Kosovës ditë më parë kanë miratuar bashkimin formal të Administratës Tatimore të Kosovës (ATK) dhe Doganave të Kosovës (DK) në një agjenci të përbashkët të të hyrave.
Përfaqësuesit e Ministrisë së Financave, kanë deklaruar se pas krijimit të bazës ligjore ku parashihet hartimi dhe aprovimi i ligjit për themelimi dhe funksionimin e kësaj agjencie, menjëherë parashihet të fillojë bashkimi formal i këtyre dy institucioneve.
Ndërkohë, funksionalizmi i kësaj agjencie, pritet të bëhet në janar të vitit 2017.
Ish-drejtori i Doganave të Kosovës, Naim Huruglica, ka thënë se ideja për themelimin e kësaj agjencie të mbledhjes së të hyrave ka qenë e kamotshme, dhe se ajo do të sjellë përfitime për bizneset.
“Nëse këto dy institucione, Doganat dhe Administrata Tatimore e Kosovës do të shkriheshin në dy të vetme, pritjet janë se bizneset do të përfitonin, por edhe vet Qeveria e Kosovës, konkretisht Ministria e Financave do të kishte më të lehtë të realizonte luftimin kundër evazionit fiskal dhe shmangien e tatimeve tjera të cilat ndodhin në Kosovë”, thekson Huruglica.
Qeveria e Kosovës ka vite që ka vendosur në prioritetet e politikave të saj, parandalimin e ekonomisë joformale.
Ekonomia joformale në Kosovë, sipas qeverisë vendore dhe institucioneve financiare ndërkombëtare, arrinë deri në 33 për qind.
Kjo, përkthyer në shifra, i bie që 400 deri në 500 milionë euro në vit nuk arkëtohen në buxhetin e shtetit.
Eksperti i fushës së ekonomisë, Naim Gashi në një prononcim për Radion Evropa e Lirë, thotë se krijimi i një agjencie për mbledhjen e të hyrave në aspektin hierarkik, nuk do të ketë ndonjë ndryshim, ndërsa në aspektin praktik, do të bëhet një identifikim më i qartë i kompetencave.
“Unifikimi i sistemit të mbledhjes së të hyrave për arkën e shtetit do të sjell rezultate efektive në luftën kundër korrupsionit, në luftën kundër evazionit fiskal dhe ekonominë në të zezë dhe rrit buxhetin e shtetit, përveç kësaj unifikimi i sistemit të taksave është edhe shkurtimi i procedurave burokratike në rastin e pagesave të taksave”, thotë Gashi.
Naim Gashi, shton po ashtu se krijimi i një Agjencie për mbledhjen e të hyrave është një praktikë e Bashkimit Evropian, kriter i përcaktuar që duhet të praktikojnë institucionet vendore.
Ndryshe, krijimi i kësaj agjencie të përbashkët të të hyrave, sipas institucioneve të Kosovës, bazohet në nevojën për përmirësimin e shërbimit ndaj tatimpaguesve, rritjen e efikasitetit në mbledhjen e tatimeve dhe zvogëlimin e kostove gjatë këtij procesi. /Rel/Telegrafi/
Promo
Reklamo këtuLufta Prigozhin - Putin
Më shumëMurati: 300 milionë euro është vlera e marrëveshjeve ndërkombëtare që po presin ratifikimin në Kuvend
Nga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Në mesin e 25 shteteve konkurruese "Zgatar Electronics" fiton çmimin si “Kompania me rritje më të madhe”
Shijo detin e krejt stinëve në “Holiday In 2”
Saktësi, efikasitet dhe rehati - Ultratingulli revolucionar SonoMax 9
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën