Ministria e Kulturës, Rinisë dhe Sportit ka bërë të ditur se punimet në stadiumin e ri të Gjilanit po zhvillohen me intensitet dhe sipas planit, përcjell Telegrafi.
Ky stadium konsiderohet një prej investimeve më të rëndësishme në infrastrukturën sportive të Anamoravës.
Ndërtimi i tij synon të ofrojë kushtet e duhura për zhvillimin e aktiviteteve sportive, si dhe për shikuesit që do të ndjekin ndeshjet.
Stadiumi do të ketë një kapacitet prej 8,750 ulësesh, ndërsa për realizimin e projektit janë ndarë 12.8 milionë euro.
Punimet pritet të përfundojnë brenda dy viteve. /Telegrafi/
