Adobe lansoi më në fund aplikacionin Photoshop për iPad

Ishte pritur për një kohë të gjatë dhe më në fund, shfrytëzuesit e iPad kanë mundësi të shkarkojnë edhe aplikacionin Photoshop.

Pam Clark është nënpresidenti i Adobe, që bëri të ditur se ky aplikacion, është zhvilluar që të jetë sa më i pastër, ndërsa në fokus e ka lehtësinë në përdorim, transmeton Telegrafi.

Fillimisht, ishte thënë se do të lansohet në verën e vitit të kaluar, derisa në fund të vitit u konfirmua se do të lansohej, por pa dhënë datën e caktuar.

Clark gjithashtu njoftoi se do të lansohet edhe versioni për desktop i Photoshop, që përfshinë Sensei Al, që nënkupton se ka shumë hapësirë për ruajtje në sistemin cloud. Ky përditësim përfshin të dhëna PSD, ashtu edhe Adobe Aero.

Në këtë formë, punimet mund të bëhen si në desktop ashtu edhe në iPad, ndërsa mund të dërgohen në pajisje të ndryshme, varësisht nga dëshira e përdoruesit, derisa të dyja mund të ruhen në cloud.

Të dhëna shtesë lidhur me mundësitë e Photoshop në iPad, Adobe do t’i bëjë të ditura në konferencën MAX, ndërsa shkarkimet kanë filluar të bëhen. /Telegrafi/